Alin bang kwento sa Bible ang may pinakamagandang Love Story? Paano ba dapat nagsisimula ang Love Story? Paano ba talaga nagiging isa ang babae at lalaki? Nagsisimula ba talaga ang pag-ibig kapag naakit sya ng pisikal na anyo ng babae? May pag-ibig na ba run? Paano mo malalaman kung nagagandahan ka lang o mahal mo na talaga? Paano mo malalaman?
Eva at Adan
Raquel at Jacob
Siquem at Dina
Samson at Delilah
Ruth at Booz
David at Michal
David at Abigail
David at Bathsheba
Tamar at Amnon
Jose at Maria
Mas masaya sigurong pag-aralan yung unang nilikha ng Panginoong Diyos ang pag-ibig ng babae at lalaki sa isa't isa sa halamanan ng Eden.
Mag-isa si Adan sa Eden. Nalulungkot. Gumawa sya ng mga hayop at iniharap sa tao, pero walang nakapagpasaya rito. Pinatulog ng Diyos ang lalaki. Isang mahimbing na mahimbing na pagtulog. Kinuha ng Diyos ang isang tadyang at ginawang babae. Nang matapos, iniharap nya ito sa lalaki at nasambit ng lalaki, "Ito'y buto ng aking buto, laman ng aking laman. Tatawagin syng babae dahil sa lalaki sya nagmula."
Napakatamis na pagsisimula ng pag-ibig. Ngunit maraming nabago paglipas ng panahon. Sinira ng tao ang gawa ng Diyos. May mga lalaki na pumapatol sa kapwa lalaki at may mga babae na pumapatol sa kapwa babae. Nakakalungkot, ang ganda ng ginawa ng Panginoon ay sinira ng tao. Pinagpipilitan ang gusto.
Pero hindi ko run nais umikot. Sa aking sarili mayroon akong suliranin. Hindi ko matiyak kung pag-ibig ang aking nadarama o paghanga lang sa pisikal na kaanyuan ng babaeng tinutukoy ko. Paano ba kasi malalaman?
Ang sabi sa banal na kasulatan, bago maramdaman ni Adan ang pag-ibig, sya'y tulog. Pinatulog ng Panginoon. Mahimbing na mahimbing na pagkakatulog upang kunin ang kanyang tadyang. Hmn? Pinatulog na ba ako ng mahimbing ng Panginoon? Natutulog pa rin ba ako ng mahimbing? O gising na ako?
Mula sa tadyang lalaki, ginawa ng Diyos ang babae. Nakuhaan kaya ako ng tadyang? Kulang kaya ang tadyang ko? Meron kayang ginagawa para sa akin ang Diyos? Tapos na kaya kung meron man?
Dinala ng Diyos si Eva kay Adan. Yung babaeng kinagigiliwan ko ba ang babaeng hinaharap sa akin ng Panginoon na mula sa tadyang ko? Sya na kaya? Hinaharap na sa akin ng Panginoon?
May isa pa. Tinanggap ni Adan at ikinaligaya ang bigay sa kanyang kasama ng Panginoong Diyos. Sya na ba magpapaligaya sa buhay ko? Makakatulong? Makakasama? Magiging matalik na kaibigan habang buhay? Kasayaw sa awit ng buhay?
Hindi ko alam kung bakit nahihirapan ako at kung bakit pino-problema ko ito. Pero isa lang ang sigurado ko: Kung sya na nga, ilalapit sya sa iyo ng Diyos. Kung sya na nga, ano naman ang magiging dahila ng Panginoon para hindi sya ilapit sa iyo maliban na lang na hindi pa tapos ang pagkakagawa?
Hintay hintay pa rin. Tama nga ang sabi ng matatanda: Ang tunay na pag-ibig ay naghihintay. Hintay hintay pa. Kung gusto mo, tulog ka pa. Maya maya, ihaharap na sa iyo ng Panginoon ang babaeng mula sa iyong tadyang.
Salamat sa Panginoon!
